«Ամերիա» խորհրդատվական ընկերությունը Հայաստանում բազմիցս իրականացնում է տարաբնույթ հետազոտություններ:Ընկերության հերթական հետազոտությունը նվիրված էր Հայաստանում փոքր և միջին ձեռնարկատիրությանը: Վանաձորի քաղաքապետարանի վարչական շենքի նիստերի դահլիճում նոյեմբերի 1-ին «Ամերիա» խորհրդատվական ընկերությունը ընդգրկուն ներկայացրեց հերթական հետազոտությունը՝ փոքր և միջին ձեռնարկատիրությունը Հայաստանում, հատկապես Վանաձորում:Իր ընդգրկուն նկարագրով, կատարված բացահայտումներով, փորձագիտական գնահատումներով և կանխատեսումներով այս հետազոտությունը եզակի է ՓՄՁ-ների վերաբերյալ ծավալուն ու համապարփակ տեղեկություններ տրամադրելու տեսանկյունից:Միջոցառմանը մասնակցում էին Լոռու փոխմարզպետ Տիգրան Բադոյանը, «Ամերիա» բանկի երևանյան գրասենյակի ներկայացուցիչներ, «Վանաձոր» մասնաճյուղի կառավարիչ Վարդան Սարդարյանը, փոքր և միջին ձեռնարկատերեր, տեղական ԶԼՄ-ների ներկայացուցիչներ:
«Հետազոտության արդյունքները թույլ են տալիս արդյունավետ գնահատել ՓՄՁ-ների ներկա իրավիճակը, սպասումները, նախասիրությունները, ոլորտի զարգացման խոչընդոտները, ինչպես նաև կանխատեսել զարգացման միտումները».- նշում է «Ամերիա» խմբի զարգացման տնօրեն
Հետազոտությունը ներկայացնում է Հայաստանի մակրոտնտեսական նկարագիրը, ՓՄՁ ոլորտի նկարագիրը Հայաստանում, հարաբերությունները բանկային ոլորտի հետ, խորհրդատվական և այլ մասնագիտական ծառայությունների նկատմամբ կարիքներ, ՓՄՁ ոլորտի կարգավորումը Հայաստանում:
Ամերիան հետազոտությամբ պարզել է, որ Վանաձորում ՓՄՁ-ների 79.7%-ը կազմում են գերփոքր ՓՄՁ-ները, 18.8%-փոքրները և միայն 1.5%-ը միջինները:
Վանաձորում ՓՄՁ-ները մյուս քաղաքների համեմատությամբ եղել են ամենապասիվը հիմնական միջոցներում և նորարարություններում ներդրումների կատարման առումով:
«Հետազոտության արդյունքները վկայում են, որ ՓՄՁ-ները մոտակա 1-3 տարիների համար սպասում են իրենց տնտեսական վիճակի անկում, ընդ որում, Վանաձորում մյուս քաղաքների համեմատ անկման սպասումներն ավելի մեծ են».- նշում է Տիգրան Ջրբաշյանը:
Դե իսկ ստեղծված իրավիճակից դուրս գալու համար «Ամերի» բանկը առաջարկում է իր ծառայությունները:
Հեղ. Արայիկ Նազարյան
Լուսանկարները՝ հեղինակի
www.migtvr.com
Комментариев нет:
Отправить комментарий