85-ամյա կինը բնակարանում ընկել է և ստացել կոտրվածք

Նախօրեին Երևանի բնակարաններից մեկում ծանր դեպք է տեղի ունեցել. ԱԻՆ փրկարար ծառայությունում ահազանգ է ստացվել, որ Երևանի Րաֆֆու փողոցի բնակարաններից մեկի բնակչուհին ընկել է հատակին և չի կարողանում ինքնուրույն շարժվել ու անհրաժեշտ է օգնություն:
ԱԻՆ լրատվական կենտրոնից հայտնում են, որ դեպքի վայր են մեկնել հատուկ փրկարարական ջոկատի հերթապահ և Ճգնաժամային կառավարման կենտրոնի արագ արձագանքման խմբերը: Ըստ աղբյուրի, փրկարարներն անօգնական վիճակում գտնվող 85-ամյա Ո. Սաֆարյանին, որն ստացել է աջ ուսի կոտրվածք, պատգարակով իջեցրել են: Տուժածին շտապօգնության մեքենայով հոսպիտալացրել են «Մալաթիա» բժշկական կենտրոն:

Աղբյուր` Panorama.am