«Երկրապահ կամավորականի կարգավիճակի մասին» օրենքի նախագիծն առաջին ընթերցմամբ ընդունումից հետո, որին կողմ քվեարկեցին ԱԺ դահլիճում ներկա բոլոր պատգամավորները, այդ թվում նաև ընդդիմությունը, Ազգային ժողովի միջանցքում տոնական տրամադրություն էր:
Օրինագծի հեղինակներ «Հանրապետական» խմբակցության գեներալ–պատգամավորներ Մանվել Գրիգորյանը և Սեդրակ (Սեյրան) Սարոյանը նման արդյունքից իրենց ուրախությունը չէին թաքցնում:
Tert.am-ի հարցին, թե գեներալը ուրախ է նման արդյունքի համար, Մանվել Գրիգորյանը պատասխանեց. «Ձեր փոխարեն այո, որ դու այ սենց սիրուն աղջիկ ես, ժուռնալիստ ես»:
Ավելի կոնկրետացնելով, նշեցինք, թե քվեարկությունը բացառիկ էր, քանի որ ԱԺ-ն առաջին անգամ հադես եկավ միասնական ձևով, Մանվել Գրիգորյանն ուղղեց. «Ես 23 տարի առաջ եմ միասնությունը տեսել»:
Սեդրակ Սարոյանը ուրախությունից փայլող աչքերով նայելով մեզ՝ միջամտեց. «Սաղին դուր ա եկել օրինագիծը, կռիվ չենք անելու՜»:
Սեդրակ Սարոյանը նշեց, որ շնորհավորանքներ ստանում են և խոստովանեց, որ հատկապես դուր էր եկել, նման միասնական քվեարկությունը: «Տեսա՞ր, տեսա՞ր, էլի մենք, շունն ու կատուն մի ամանից հաց են ուտում, տենո՞ւմ ես»,-եզրափակեց նա:
Комментариев нет:
Отправить комментарий