Մարմնավաճառությունից հրաժարված աղջկան կենդանի թաղելու գործով թուրքական դատարանը որոշում է կայացրել (վիդեո)

 

Թուրքիայի Ռիզե նահանգի Փազարի շրջանում թրաֆիքինգի գործով աղմուկ հանած դատավարության ժամանակ դատարանը որոշում է կայացրել կարճել գործը։
Թուրքական Sozcu պարբերականի փոխանցմամբ՝ սկանդալային գործով, թե Ռիզեի Փազարի շրջանում գործող մի ավազակախմբի անդամներ մարմնավաճառությամբ զբաղվելուց հրաժարված աղջիկներին կենդանի-կենդանի թաղում են, դատարանը գործը կարճելու որոշում է կայացրել՝ նշելով, որ գործով ապացույց բերված տեսագրությունը Թուրքիայում արված չէ եւ այն ներկայացնողը տեսագրությունը բեռնել է այլ հեռախոսից կամ ինտերնետից։
Նշենք, որ Ռիզեի նահանգում ոստիկանության գործողությունների արդյունքում ձերբակալվել էր հանցախումբ, որի անդամները Վրաստանից խաբեությամբ Թուրքիա էին բերում երիտասարդ աղջիկների եւ ստիպում զբաղվել մարմնավաճառությամբ։
Մարմնավաճառությամբ զբաղվելուց հրաժարվողներին ստիպել են դիտել կադրեր, որտեղ կենդանի-կենդանի թաղում են մի կնոջ։
Տեսանյութը դիտելու համար սեղմեք ԱՅՍՏԵՂ։

http://news.am