Ինչ ասել է թույլ կամ ուժեղ մարզպետ

Պարապ են մնացել, հիմա էլ Լոռու և Տավուշի մարզպետների պաշտոնավարման ժամկետն են սուրճի մրուրով գուշակում

՛՛Հրապարակ՛՛ օրաթերթը գրում է, որ իշխանական կուլիսներում Սուրիկ Խաչատրյանի շուրջ դեպքերի կապակցությամբ իշխանական կուլիսներում շրջանառվում Է ևս երկու անուն՝ Տավուշի և Լոռու մարզպետների անունները:

«Հրապարակ»-ում կարդում ենք.” Սուրիկ Խաչատրյանի շուրջ ծավալված դեպքերը, թվում է՝ կասեցրին մյուս մարզպետների պաշտոնանկության ալիքը: Երեկ, սակայն, իշխանական կուլիսներում շրջանառվում Էր ևս երկու անուն՝ Տավուշի և Լոռու մարզպետների անունները: “

Հրապարակման մեջ որպես աղբյուր օգտագործում են շրջանառվող լուրերն (ավելի ճիշտ ՝ ֆռֆռացող բամբասանքները) այն մասին, որ Լոռու և Տավուշի մարզպետները թույլ ղեկավարներ են:

Ինչ ասել է` թույլ ղեկավարներ: Եթե խոսքը վերաբերում է մարզպետների և նրանց լիազորությունների իրականացմանը, ապա Արթուր Նալբանդյանը և Ալավերդու քաղաքապետի պաշտոնավարման ժամանակ, և Լոռու մարզպետի պաշտոնում աչքի է ընկել պահանջկոտությամբ սեփական անձի և ենթական աշխատակազմի նկատմամբ:

Երիտասարդ տարիքի պաշտոնյան նաև աչքի է ընկնում մարզպետարանի պատերից դուրս համեստ վարվելակերպով ու կենսաձևով: Սա ասում ենք ամենայն պատասխանատվությամբ, քանի որ առակա է համատեղ աշխատանքի մեկ տասնյակ տարիների փորձը:

Եթե այդ համեստությունը թույլություն է համարվում , ուրեմն մարդկանց պատկերացումները պետական ծառայության մասին խեղաթյուրված են:

Երևի որոշ շրջանակների դուր չի գալիս, որ Լոռու մարզում տարբեր մակարդակների ղեկավարներն աչքի չեն ընկնում ՛՛զոռբայությամբ՛՛ և հասարակության պարսավանքին չեն արժանանում իրենց պաշտոնին ու դիրքին ոչ վայել պահվածքով:

Էդիկ Հովսեփյան

07.06.13

http://www.armweeklynews.am/awn/m13/m_0297.htm