Դնեպրոպետրովսկում ձերբակալվել է վրացի «օրենքով գող» Կակոն

Ուկրաինայի Դնեպրոպետրովսկ քաղաքում ձերբակալվել է 63-ամյա վրացի «օրենքով գող» Ակակի Բիլանիշվիլին, ով քրեական աշխարհում հայտնի է որպես Կակո կամ Կշիվ:

4 անգամ դատված և ընդհանուր առմամբ 14 տարի բանտում անցկացրած Կակոն ծնունդով Սագարեջո քաղաքից է:

1990-ական թթ.-ին Կակոն մեկ այլ ճանաչված վրացի «օրենքով գող» Տրիստան Սիչինավայի հետ միասին շրջում էր Սիբիրի և Պովոլժիեյի քաղաքներում`ամրապնդելով այդ քաղաքներում քրեական օրենքները:

Նրանց միջնորդությամբ Կեմերովո և Նիժնի Նովգորոդ քաղաքներում «օրենքով գող» էին կարգվել Էդիկ Վոլոսատին, Գամլետը և Սեկան:

Տրիստանի մահից հետո, Կակոն որոշ ժամանակ բնակվում է Վրաստանում, իսկ 2007թ.-ին տեղափոխվում է Ուկրաինա, որտեղ բնակվում է անօրինական հիմունքներով:

2009թ.-ին նրան արտաքսում են Վրաստան, սակայն տեղի ոստիկանությունը ելնելով նրա տարիքից, չի ձերբակալում նրան և առաջարկում է ուղղակի լքել Վրաստանի տարածքը:

Դրանից հետո, «օրենքով գողը» տեղափոխվում է Գերմանիա և բուժման կուրս անցնում:

Իրավապահների տեղեկություններով, Կակոն կրկին անօրինական մուտք է գործել Ուկրաինա և հիմա նրան կրկին արտաքսելու են`5 տարի երկրի տարածք մուտք գործելու իրավունքից զրկելով:http://www.aysor.am/am/news/2013/06/08/akaki-bilanishvili-criminal/