Հասմիկ Այվազյանը Վանաձորի ՔԿԱԳ տարածքային բաժնի պետի պաշտոնում աշխատում է ս.թ. մարտի 1-ից: Պաշտոնը ստանձնելուց անմիջապես հետո նա դիմել է Վանաձոր համայնքի ղեկավար Սամվել Դարբինյանին շենքային անբարենպաստ պայմանների համար:Հարցը չմնաց թղթի վրա: Հունիսի 1-ից Վանաձորի քաղաքապետի որոշմամբ լուծվեց տարածքի հարցը և Վանաձորի ՔԿԱԳ տարածքային բաժինը տեղափոխվեց քաղաքապետարանի վարչական շենք և տրամադրվեց չորս սենյակ աշխատանքը կազմակերպելու համար:
«Աշխատանքի կազմակերպման համար այստեղ անհամեմատ լավ է, պետք է գնահատել այն ինչ ունենք, սակայն այս պահին ևս մի խնդիրն ունենք, քանի, որ արդեն քաղաքապետարանի շենքում ենք այժմ բոլոր կորդինացման հարցերով դիմում ենք քաղաքապետին».-ասաց Հասմիկ Այվազյանը:
Հանդիսությունները պատշաճ մակարդակով անցկացնելու համար նրանց լրացուցիչ ևս մեկ սենյակ է անհրաժեշտ, հարցին լուծում տալու ակնկալիքով նա դիմել է Վանաձորի քաղաքապետին:
«Դիմել եմ համայնքի ղեկավարին, որպեսզի մեկ տարվա ընթացքում Վանաձորի քաղաքապետարանի վարչական շենքի վարձակալությամբ տրամադրված տարածքների պայմանագրի սպառումից հետո ևս մեկ սենյակ տրամադրեն մեզ, ամուսնությունները հնարավորինս պատշաճ մակարդակով անցկացնելու համար».-ասաց Հասմիկ Այվազյանը:
Հեղ. Արայիկ Նազարյան
Լուսանկարը՝ հեղինակի
migtvr.com
Комментариев нет:
Отправить комментарий