Հիշեցնենք, որ «Հարսնաքար» ռեստորանային համալիրում տեղի ունեցած միջադեպի առթիվ հարուցված քրեական գործով ՀՀ ոստիկանության քննչական գլխավոր վարչության հատկապես կարևոր գործերի քննության վարչությունը, ինչպես արդեն տեղեկացրել ենք, ձերբակալել էր նշված ռեստորանային համալիրի 4 աշխատակցի:
«Փաստինֆո» գործակալությանը հատնի են դարձել ձերբակալված անձանց տվյալները: Հավաստի աղբյուրների տվյալներով՝ ձերբակալվածների թվում է մենեջերը, մատուցող Դավիթ Ադամյանը, անվտանգության երկու աշխատակիցներ Արթուր Բաբլոյանը և Գարիկ Մարգարյանը: Նրանք բոլորն էլ կասկածվում են ՀՀ քրեական օրենսգրքի 112-րդ հոդվածի 2-րդ մասի 6-րդ կետով նախատեսված արարք կատարելու մեջ՝ մի խումբ անձանց կողմից կյանքի համար վտանգավոր մարմնական վնասվածքներ պատճառելու համար:
Նշենք, որ «Հարսանաքար»-ում տեղի ունեցած ծեծկռտուքի հետևանքով տուժել են Պաշտպանության նախարարության երեք զինվորականներ, որոնք այժմ գտնվում են Զինվորական հոսպիտալում: Նրանցից Զինվորական հոսպիտալի քիթ-կոկորդ-ականջ բաժանմունքի պետ Վահե Ավետյանի վիճակը շարունակում է մնալ ծայրահեղ ծանր, իսկ պաշտպանության նախարարության կապիտան, զինվորական հոսպիտալի նեյրովիրաբուժության բաժանմունքի միկրովիրաբույժ Արտակ Բայադյանի առողջական վիճակը` կայուն ծանր: Զինվորական հոսպիտալի կլինիկական օրդինատոր, ավագ լեյտենանտ Գարիկ Սողոմոնյանի առողջական վիճակը ևս գնահատվում է ծանր: Նախորդող հրապարակումներ`
Աղբյուր` Panorama.am
Комментариев нет:
Отправить комментарий