Կոմիտասում 22-ամյա աղջիկը հարբել եւ չի գտել իր տունը

Հունվարի 3-ին, ժամը 05.20-ին, Երեւանի Կոմիտասի պողոտայի մի բնակիչ ոստիկանության Կենտրոնականի բաժնում հաղորդում է տվել, որ 22-ամյա դուստրը հունվարի 2-ին, ժամը 19.00-ին, դուրս է եկել Ե. Քոչարի փողոցի մի շենքից եւ չի վերադարձել:

Ոստիկանության լրատվության վարչությունից հայտնում են, թե հունվարի 3-ին, ժամը 05.20-ին, ոստիկանության Երեւան քաղաքի վարչության օպերատիվ կառավարման կենտրոնից Արաբկիրի բաժնում հաղորդում է ստացվել, որ իրենց է զանգահարել Կոմիտասի պողոտայի մի բնակչուհի եւ հայտնել, որ մի անծանոթ թակում է իր տան դուռը եւ անհանգստացնում իրեն:
Նշված հասցեն մեկնած ոստիկանության ծառայողները պարզել են, որ անծանոթը վերը նշված որոնվող աղջիկն է, որը գտնվելով ալկոհոլի ազդեցության տակ՝ շփոթել է իր բնակարանը:
Կատարվում է քննություն:

Լուրեր Հայաստանից - NEWS.am