68-ամյա Միշա Ավետիսյանը, ում դիակը հայտնաբերվել էր հունիսի 15-ին, Աշտարակի տարածքի դաշտերում, Նոր Երզնկա գյուղում որոշ բնակիչների համար հովիվություն է արել: Այս մասին NEWS.am-ի թղթակցի հետ զրույցում ասաց Նոր Երզնկա գյուղի գյուղապետ Ալինա Հարությունյանը:
Նա նշեց, որ Միշան անհետացել է 10 օր առաջ, հունիսի 5-ից: «Գյուղի բնակիչների անասուններն էր տարել դաշտ: Իսկ Աշտարակը մեզ շատ մոտ է: Վճարի դիմաց բնակիչների համար հովիվություն էր անում: Նրա մի որդին զոհվել է արցախյան պատերազմի ժամանակ, երկու աղջիկներն ամուսնացած են: Նա կնոջ հետ բնակվում էր մյուս որդու ընտանիքի հետ: Այսքան ժամանակ փնտրել էին, բայց, ցավոք, դիակը գտան»,- նշեց գյուղապետը:
Նրա խոսքով նրանց ընտանիքն առանձնանում էր իր համեստությամբ: «Շատ անշառ մարդ էր: Խմելու հետ ընդգծված սեր չուներ, տանը վեճեր չեն եղել եւ երբեւէ նման խնդիրներ չի ունեցել»,- ավելացրեց Ալինա Հարությունյանը:
Ավելի վաղ տեղեկացրել էինք, որ Աշտարակի տարածքի դաշտերում, այսօր՝ հունիսի 15-ին, հայտնաբերվել է անհետ կորած 68-ամյա Միշա Ավետիսյանի դին: Վերջինս Նոր Երզնկա գյուղի բնակիչ էր եւ հունիսի 5-ից անհետ կորած էր համարվում: Նշանակվել է դատափորձաքննություն։ Կատարվում է նախաքննություն:
Комментариев нет:
Отправить комментарий