«Եվրոպայում պայքարը խտրականության, այլատյացության և անհանդուրժողականության դեմ» թեմայով՝ կոնֆերանս Երևանում

   Հոկտեմբերի 21-ին Երևանում սկսել է երկօրյա կոնֆերանս՝ «Եվրոպայում պայքարը խտրականության, այլատյացության և  անհանդուրժողականության դեմ» թեմայով:

Կոնֆերանսին մասնակցելու համար ՀՀ  են ժամանել ԵԽ գլխավոր քարտուղար Տորբյորն Յագլանդը  և  ԵԽ, ԵԱՀԿ, ԱՊԼ  ներկայացուցիչներ:

Կոնֆերանսի կայացման վայրում   տեղի է ունեցել  բողոքի ակցիա: Հայաստանի Հելսինքյան ասոցիացիայի ղեկավար Միկա Դանիելյանը նշել է, որ ակցիայի նպատակն է ցույց տալ Եվրոպայի ղեկավարներին Հայաստանում նման կոնֆերանսների անցկացման անթույլատրելիությունը ՝ իրավապաշտպանների և քաղաքացիների վրա  ճնշման առկայության պայմաններում և դա  որակել է «ցինիզմ»:

Կանֆերանսում ՀՀ ԱԳ նախարար Էդվարդ Նալբանդյանը  իր ելույթում  հիշեցրել է, որ Հայաստանի համար ԵԽ Նախարարների կոմիտեում   նախագահելու ժամանակաշրջանում առաջնային են այնպիսի բացասական երևույթների դեմ պայքարը, ինչպիսին են այլատյացությունն ու խտրականությունը: Եվրոպական կառույցներից մեծ մասի ներկայացուցիչների մասնակցությունը կոնֆերանսին ևս մեկ անգամ ապացուցում է խնդրի արդիականությունը, ընդգծել է նախարարը: Գլոբալիզացիայի պայմաններում  հարցն էլ ավելի է կարևորվում, իսկ ատելություն և խտրականություն սերմանելու ձգտումները լուրջ մատահրավերներ են, և  հանդուրժողականություն չի նշանակում համակերպվել նրա հետ, ինչի հետ չի կարելի համակերպվել, ավելացրել է Նալբանդյանը:

Ցուցարարները՝ պաստառներով ներխուժել են դահլիճ  և  ՀՀ ԱԳՆ և ԵԽ գլխավոր քարտուղար Տորբյորն Յագլանդի  ելույթներից հետո  դահլիճում  թողնելով  պաստառները  հեռացել  են:

Նշելի է,  որ կոնֆերանսի դռները   փակ  են լրատվամիջոցների համար:

http://armenian.irib.ir/news/armenia/item/36115-%C2%AB%D5%A5%D5%BE%D6%80%D5%B8%D5%BA%D5%A1%D5%B5%D5%B8%D6%82%D5%B4-%D5%BA%D5%A1%D5%B5%D6%84%D5%A1%D6%80%D5%A8-%D5%AD%D5%BF%D6%80%D5%A1%D5%AF%D5%A1%D5%B6%D5%B8%D6%82%D5%A9%D5%B5%D5%A1%D5%B6,-%D5%A1%D5%B5%D5%AC%D5%A1%D5%BF%D5%B5%D5%A1%D6%81%D5%B8%D6%82%D5%A9%D5%B5%D5%A1%D5%B6-%D6%87-%D5%A1%D5%B6%D5%B0%D5%A1%D5%B6%D5%A4%D5%B8%D6%82%D6%80%D5%AA%D5%B8%D5%B2%D5%A1%D5%AF%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D5%A4%D5%A5%D5%B4%C2%BB-%D5%A9%D5%A5%D5%B4%D5%A1%D5%B5%D5%B8%D5%BE%D5%9D-%D5%AF%D5%B8%D5%B6%D6%86%D5%A5%D6%80%D5%A1%D5%B6%D5%BD-%D5%A5%D6%80%D6%87%D5%A1%D5%B6%D5%B8%D6%82%D5%B4