Վանաձորի քաղաքապետարանի
2014 թվականի ծրագրային նպատակները
Վանաձորի քաղաքապետարանը նպատակադրվել է 2014 թվականին
դառնալ լավագույն քաղաքային համայնք: Հունվարի 13-ին Վանաձորի քաղաքապետրանի նիստերի
դահլիճում տեղի ունեցավ 2014 թվականի անդրանիկ աշխատանքային խորհրդակցությունը: Խորհրդակցությունը
վարում էր քաղաքապետ Սամվել Դարբինյանը: Ինչպես իր ներածական խոսքում նշեց քաղաքապետը,
առաջին խորհրդակցությանը նախանշվելու են այն ծրագրային
նպատակները, որոնք առաջնահերթ են համայքի և քաղաքապետարանի համար: Վանաձորի քաղաքապետն
առաջարկեց գրավոր խնդրանքով դիմել ՀՀ կառավարությանը Վանաձորի թվով 84 3-րդ կարգի բազմաբնակարան
շենքերի ամրացման և քաղաքի կամուրջների վերանորոգման նպատակով պետական բյուջեից հատկացումներ
կատարալու համար: Ինչպես նշեց քաղաքապետ Սամվել Դարբինյանը, եթե անգամ երկու կամ երեք
շենքերի ամրացումը հնարավոր լինի իրականացնել 2014 թվականին, ապա դա ևս մեծ նվաճում
կլինի: Վանաձոր համայնքի համար լրջագույն խնդիր է աղբահանությունը: Կոմունալ և աղբահանության
ծառայություններ մատուցող ընկերությունների տեխնիկան բարոյապես և ֆիզիկապես մաշված
է, և այդ պարագայում հնարավոր չէ արդյունավետ աղբահանություն իրականացնել: Քաղաքապետն
առաջարկեց համապատասխան խնդրանքով կրկին դիմել ՀՀ կառավարությանը, որպեսզի պետական
աջակցությամբ և միջնորդությամբ հնարավոր լինի ցածր տոկոսադրույքով վարկավորում ստանալ,
ինչի շնորհիվ քաղաքապետարանը կարող է նոր տեխնիկա գնել արդյունավետ աղբահանություն
իրականացնելու նպատակով: Հաջորդ ծրագրային առաջնահերթությունը, որը ներկայացրեց քաղաքապետը,
դա քաղաքի գլխավոր հատակագիծն է: Սամվել Դարբինյանը
հանձնարարեց ճարտարապետության և քաղաքաշինության բաժնին 2014 թվականի առաջաին կիսամյակի
ընթացքում ավարտել գլխավոր հատակագծի նախագծման և մշակման աշխատանքները: Քաղաքապետ
Սամվել Դարբինյանը, գոհունակություն հայտնելով 2013 թվականին քաղաքապետարանի աշխատակազմի
աշխատանքից, նշեց, որ համայնքը ճանաչվել է լավագույն մարզական համայնք և արժանացել է ՀՀ նախագահի մրցանակին՝ 1.5 մլն դրամ:
Այդ գումարն ուղղվելու է բռնցքամարտի դպրոցի համար ռինգի ձեռքբերելուն:
Սակայն քաղաքապետը
հորդորեց աշխատակազմին էլ ավելի ջանասիրաբար կատարել իրենց պարտականությունները,
քանի որ համայնքի ներուժը բավարար է 2014 թվականին դառնալ հանրապետության լավագույն
քաղաքային համայնք: Եվ դա հաջորդ տարվա համար լինելու է Վանաձոր համայնքի առաջնահերթ
նպատակը: Լավագույն քաղաքային համայնք լինելու առաջին պայմանը 100 տոկոսով սեփական
եկամուտների կատարումն է: Վանաձորը կարող էր նաև 2013 թվականին հասնել այդ մակարդակին,
սակայն սուբյեկտիվ և օբյեկտիվ պատճառներով մուտքերի մի մասը բյուջե մուտքագրվեց
2014 թվականին: Քաղաքապետի հանձնարարությամբ համապատասխան ծառայությունները կվերանայեն
իրենց վարչարարությունը, և հնարավոր կլինի
2014 թվականին ապահովել 100 տոկոս բյուջեի մուտքերի ապահովում:
Վանաձորի
քաղաքապետարան
Комментариев нет:
Отправить комментарий