Մարդկանց միայն 5 %-ն է մանրամասն լվանում ձեռքերը զուգարանից հետո

  Ինչպես ցույց է տվել նոր հետազոտությունը, 20 մարդուց միայն մեկն է զուգարան գնալուց հետո մանրամասն լվանում ձեռքերը, որպեսզի սպանի բոլոր վնասակար մանրէները: 

Բացի այդ, մարդկանց 1/3-ն օճառ չի օգտագործում, իսկ 10 %-ն ընդհանրապես չի լվանում ձեռքերը: Գիտնականները պնդում են, որ ձեռքերը հատկապես վատ են լվանում տղամարդիկ: Ուսումնասիրության ընթացքում հետազոտվել է 3749 մարդ, ովքեր օգտվել են հասարակական զուգարաններից: 

Ըստ հիվանդությունների վերահսկման և պրոֆիլակտիկայի ամերիկյան կենտրոնի տվյալների՝ ձեռքերը լվանալը ինֆեկցիոն հիվանդությունների տարածումը կանխելու ամենաարդյունավետ միջոցն է: Ձեռքերը ոչ մանրամասն լվանալը դառնում է բոլոր աղիքային հիվանդությունների առաջացման պատճառների 50 %-ը: 

Փորձագետները նշում են, որ ձեռքերի վրա գտնվող մանրէները վերացնելու համար հարկավոր է 15-20 վայրկյան հոսող ջրի տակ ակտիվորեն ձեռքերը շփել օճառով, սակայն հետազոտությունը ցույց է տվել, որ մարդիկ լվացվում են միջինը 6 վայրկյան:

http://www.1in.am