Ադրբեջանի զինված ուժերը շարունակում են կրակել հայկական դիրքերի ուղղությամբ: Տավուշի մարզի Չինարի համայնքի ղեկավար Սամվել Սաղոյանը
ՄԱՄՈՒԼ.am-ի հետ զրույցում նշեց, որ երեկվա կրակոցները նաև գյուղի ուղղությամբ էին. բարեբախտաբար, տուծաժներ չկան: «Երեկ ցերեկը գյուղի վրա կրակահերթ էին բացել, պատասխանից հետո հանդարտվեցին: Գյուղացիներն ամեն օր զգուշավորության մեջ են: Հողը վարում են զգուշավորությամբ, բերքը հավաքում են զգուշավորությամբ, ուրիշ բան չի մնում անել, քան այդպես ապրել»,- ասաց գյուղապետը:
Իրավիճակը համեմատաբար հանդարտ է Դովեղում: Գյուղապետ Սամվել Գորգինյանն ասաց` բարեբախտաբար գյուղի վրա չեն կրակում, սահմանի վրա է մեկ-մեկ կրակոց հնչում. «Դաշտում աշխատող գյուղացիների ուղղությամբ կրակոցներ չկան, վերջին անգամ շատ շուտ է եղել.....տա Աստված, հանդարտ էլ մնա»,- նշեց նա:
Комментариев нет:
Отправить комментарий