Տարօրինակ մասնագիտությունների տասնյակ

Մասնագիտությունների թիվն աշխարհում հասնում է 60 հազարի: Այս ցանկում կան այնպիսի մասնագիտություններ, որոնք զարմանք են առաջացնում իրենց տարօրինակությամբ: Անհավանական մասնագիտությունների թոփ 10-յակը գլխավորում է կովերին «պեդիկյուր» անողի մասնագիտությունը: Նրանք մշակում են կենդանու սմբակները: Մասնագետների կարծիքով` սմբակների անմխիթար վիճակն ազդում է կովերի վերարտադրողականության, կաթնատվության և կաթի որակի վրա, ուստի Եվրոպայի և Ամերիկայի էլիտար ֆերմաներում սմբակներ մշակողի մասնագիտությունը պահանջված է:      Երկրորդ հորիզոնականում գոլֆի գնդակներ հավաքողի մասնագիտությունն է, հաջորդը` կահույքի ամրությունը ստուգողինը: Դրան հաջորդում է պինգվիններին «օգնողի» մասնագիտությունը: Պինգվիններն օդում թռչող ուղղաթիռներից վախենում են, ընկնում են մեջքի վրա և չկարողանալով ուղղվել, սատկում: Փրկարարներն օգնում են նրանց շրջվել և նորից ոտքի կանգնել: Տարօրինակ մասնագիտությունների շարքում են նաև մրջյուններ բազմացնողի, կենդանիների ուղեղը հանողի, կոշիկների կաշին հարթեցնողի, ձվի դեղնուցը սպիտակուցից առանձնացնողի մասնագիտությունները: Թոփ 10-յակը եզրափակում է մերկապարուհիներ հետազոտողի մասնագիտությունը: Այս ինքնատիպ մասնագետներն աշխատում են ամերիկյան գիտահետազոտական ինստիտուտում, որոնց պարտականությունն է երկու ամիս շարունակ հետևել մերկապարուհիներին և կազմել հաշվետվություն:

http://www.mamul.am/