Ամերիկացի ութամյա տղան առեւանգել է մոր մեքենան եւ չկարողանալով ղեկավարել այն` հարվածել է հեռագրասյանը: Զոհվել է նրա հետ մեքենայում գտննվող վեցամյա քույրը: Միջադեպը տեղի է ունեցել Արիզոնայի Ֆինիքս քաղաքում:
Քաղաքի ոստիկանությունից պատմել են, որ օգոստոսի 28-ի երեկոյան 911 ծառայությունը ահազանգ է ստացել մի կնոջից, որը հաղորդել էր իր երեխաների առեւանգման մասին: Ըստ այդ կնոջ` ինքը երեխաներին պառկեցրել էր քնելու, իսկ կես ժամ անց, երբ մանկասենյակ էր մտել, նրանք անհետացել էին, հայտնում է NBC News-ը:
Դրանից անմիջապես հետո ոստիկանությունը հայտնաբերել էր հեռագրասյանը բախված մեքենան, որի մեջ գիշերազգեստով երեխաներ են եղել: Ղեկի մոտ նստած տղան աննշան վնասվածքներ է ստացել: Քրոջ վերքերը մահացու են եղել: Ըստ ոստիկանների` աղջիկը ամրագոտին չէր կապել, հայտնում է lenta.ru-ն:
Ականատեսները պատմել են, որ տղան մեքենա վարել գիտեր, նա կանգ է առել կարմիր լույսի տակ եւ հետեւել ճանապարհային երթեւեկության մյուս կանոններին:
Комментариев нет:
Отправить комментарий