Ինքնասպան եղած երիտասարդը «Ո՞վ է ուզում դառնալ միլիոնատեր» խաղի հաղթողն էր

«Հրապարակը» գրում է. «Երեկ, կեսօրից հետո, կառավարական երրորդ մասնաշենքի բակում իրարանցում էր: Շտապօգնության մեքենաներն ու ոստիկանները պաշարել էին նախարարությունների շենքի բակը, իսկ աշխատակիցները, ընդմիջման գնալու փոխարեն, կախվել էին պատուհաններից: Ներքևում մուգ արյան լճակ էր, որը մոտ մեկ ժամ անց սկսեցին լվանալ ասֆալտի վրայից»:      Հիշեցնենք, որ երեկ ՀՀ ԿԳ նախարարության շենքից իրեն ցած էր նետել ու մահացել 22-ամյա Հայկ Հայրապետյանը:      Թերթը նաև գրում է, որ Հայկը նախարարության առաջատար մասնագետ էր լեզվի գծով: Նա նաև բնապահպանության նախարար Արամ Հարությունյանի մորաքրոջ թոռն էր, իսկ նրա ծնողերը ապրում էին Արզաքանում:      Հայկը 4 տարի առաջ մասնակցել էր «Ո՞վ է ուզում դառնալ միլիոնատեր խաղին» և շահել 500 հազար դրամ` պատասխանելով բազմաթիվ բարդ հարցերի:      Երեկ` ինքնասպանությունից քիչ առաջ, նա երկար ու տհաճ հեռախոսազրույց էր ունեցել մի աղջկա հետ, որի ընթացքում բարձրացել էր ՀՀ կառավարության նախարարությունների մասնաշենքի 6-րդ հարկ, և առանց անջատելու, բջջային հեռախոսը դրել էր պատուհանի գոգին ու ցած նետվել:      (Մանրամասները` «Հրապարակի» այսօրվա համարում):

http://www.mamul.am/