Ճանաչված երգչուհի Վերա Բրեժնեւայի գլխին երեք կար են դրել եւ վնասվածքի պատճառով արգելել են թռչել: Այս մասին տեղեկացնում է ТСН-ը:
«Хочу в ВИА Гру» շոուի փորձի ժամանակ Վերա Բրեժնեւայի հետ տեղի ունեցած դժբախտ պատահարի պատճառով, երգչուհին ստիպված է եղել Եգիպտոսում նախանշված 2 համերգ չեղյալ հայտարարել:
Հիշեցնենք, որ շոուի նախապատրաստական աշխատանքների ժամանակ, որտեղ Բրեժնեւան հանդես է գալիս որպես վարող, երգչուհին ընկել է 3 մետր բարձրությամբ սանդուղքից եւ կորցրել գիտակցությունը:
Գլխի վնասվածքի պատճառով նա որոշ ժամանակ կորցրել է տարածությունում կողմնորոշումը:
Երգչուհուն տեղափոխել էին հիվանդանոց, եւ ոչ ոք չգիտեր, արդյո՞ք նա կկարողանա ելույթ ունենալ: Սակայն Վերան ձեռքին վիրակապով, այնուամենայնիվ, վերադարձել էր բեմ:
Հիշեցնենք նաեւ, որ «ՎԻԱ Գրա» խմբի կազմն ամբողջությամբ փոխում են: Կոնստանտին Մելաձեն, ով այսուհետ լինելու է կոլեկտիվի միակ պրոդյուսերը, մի ամբողջ շոու է ստեղծել, որի ընթացքում փորձելու է թեկնածուներին:
Комментариев нет:
Отправить комментарий