Այս տարվա ընթացքում երրորդ ու վերջին անգամ տեղի կունենա Լուսնի խավարում հոկտեմբերի 19-ի գիշերը: 2013թ. վերջին կիսաստվերային լուսնի խավարումը կսկսվի Երեւանի ժամանակով 01:48-ին, գագաթնակետին կհասնի 03:50-ին, իսկ ավարտը՝ 05:52-ին: Սակայն առաջնային ու վերջնային պահերը մարդու աչքի համար անտեսանելի կլինեն: Խավարման պահին Լուսինը տեսանելի կլինի երկնակամարի հարավ-արեւմտյան հատվածում՝ Ձկների համաստեղությունում: Երկրագնդի կոնի շուրջ ձեւավորված ստվերը կխավարի Լուսինը միայն մասամբ՝ այն կմտնի երկրային կիսաստվերի հյուսիսային հատված իր տրամագծի միայն 0,79 հատվածով: Երկրագնդի արբանյակի պայծատությունը կնվազի, բայց աննշան, հաղորդում է «Ռուսաստանի ձայնը»:
Մի քանի օր անց Երկիր մոլորակի բնակիչներին մեկ այլ տիեզերական երեւույթ է սպասվում՝ հոկտեմբերի 21-ին Օրիոնի համաստեղությունից ասուպների հոսքը կհասնի իր գագաթնակետին, երբ օրիոնիդների երկնային մասնիկները կմտնեն մթնոլորտ ու մեկ ժամում 25 հատը կայրվեն:
Օրիոնիդները կապված են Հալեյ գիսաստղի հետ: Դրանք Երկրագնդին հանդիպում են տարեկան երկու անգամ՝ մայիսին ու հոկտեմբերին:
Комментариев нет:
Отправить комментарий